Blog

मित्रांनो

या आधीच्या लेखांमध्ये आपण व्हेंटिलेशन आणि लाइटिंग म्हणजेच पुरेसा सूर्यप्रकाश व हवेशीर वातावरणाबद्दल जाणून घेतले आहे.

त्यात नमूद केल्याप्रमाणे बाल्कनी किंवा खिडकी पूर्व किंवा पश्चिम दिशेला असेल तर अतिशय उत्तम असते.

त्याच पद्धतीने नैऋत्य-ईशान्य दिशेला खिडक्यांची समोरासमोर मांडणी असणे म्हणजे हवेशीर वातावरणाची शाश्वती होय.

बाल्कनी उत्तरेकडे असल्यामुळे कोणताही उद्दिष्ट साध्य होत नाही किंबहुना सूर्यप्रकाश खूप कमी प्रमाणात मिळतो.

बाल्कनी दक्षिणेकडे असेल तर आग्नेय दिशेकडून म्हणजेच पूर्व-दक्षिण कोपऱ्यातून येणारा सूर्यप्रकाश प्रचंड सकारात्मक ऊर्जा देतो आणि घरामध्ये कायम आनंद च घेऊन येतो.

पुढील लेखामध्ये आपण मायक्रो / सूक्ष्म इकॉनोमिक घटकांपैकी वास्तुशास्त्र या घटकाचा परिणाम पाहूया.

मंजिरी प्रॉपर्टीज
99-88-677-678

मित्रांनो

फ्लोअर प्लॅन म्हणजेच एखाद्या घरामध्ये किंवा प्रकल्पामध्ये रूम्सचा केलेला सुयोग्य वापर ज्यामध्ये किचन, मास्टर बेडरूम, लिविंग रूम बेडरूम, टॉयलेट, बाथरूम व बाल्कनी इत्यादींचा समानुपाती विचार करून मांडणी केलेली असते.

जसे की आपण बाल्कनी मध्ये जास्त वेळ घालवत नाही त्यामुळे 3 फूट रुंदी असलेली बाल्कनी सुद्धा पुरते. याविरुद्ध लिविंग रूम म्हणजेच हॉल कमीत कमी 180 चौरस फूट असणे अतिशय उत्तम असते जेणेकरून सामाजिक संवाद राखणे सोयीचे होते.

मास्टर बेडरूम मध्ये कपडे व इतर वस्तू ठेवण्यासाठी कपबर्ड / कपाट तसेच दोन वयस्क व्यक्तींसाठी पुरेशा आकाराचा बेड मावेल आणि थोडीशी जागा इतर हालचालींसाठी शिल्लक राहील अशा प्रकारची व्यवस्था अभिप्रेत असते.

किचनमध्ये देखील सिंक जवळ गॅस हॉब नसणे आणि किचन खिडकीच्या खाली गॅस हॉब असणे जेणेकरून धूर तात्काळ बाहेर टाकता येईल अशी रचना आवश्यक ठरते.

टॉयलेट बाथरूम ची देखील मांडणी अशा प्रकारे आवश्यक की जेणेकरून आंघोळीच्या पाण्यामुळे टॉयलेट च्या भांड्याच्या भोवताली चा परिसर कायम ओला राहणार नाही.

पुढील लेखामध्ये आपण मायक्रो / सूक्ष्म इकॉनोमिक घटकांपैकी व्हेंटिलेशन आणि लाइटिंग या घटकाचा परिणाम पाहूया.

मंजिरी प्रॉपर्टीज
99-88-677-678

मित्रांनो

ब्लॉक ओरिएंटेशन म्हणजेच घरामध्ये कोणती रूम कुठे असावी याचा शास्त्रीय दृष्टिकोनातून केलेला अभ्यास व मांडणी.

दोन खोलीतील अंतर, रूम मध्ये पुरेशी उपलब्ध जागा, ओपन स्पेस, घरातून दिसणारे बाहेरचे दृश्य तसेच सर्वात महत्त्वाचे म्हणजेच या मांडणीतून मिळणारा पुरेसा सूर्यप्रकाश व हवेशीर वातावरणाचा अनुभव की ज्यामुळे त्या घरी राहणाऱ्या व्यक्तीच्या मानसिकतेवर प्रचंड मोठा सकारात्मक प्रभाव पडतो.

दक्षिण-पूर्व दिशेला बाल्कनी असणे म्हणजे हवेशीर वातावरणाला आमंत्रण देण्यासारखे आहे. त्या खालोखाल बाल्कनी पश्चिमेकडे असल्याने दिवसभर बाल्कनी मध्ये ऊन चांगले येते.

बाल्कनी उत्तरेकडे असल्यास आपण भारतात दक्षिण गोलार्धात राहत असल्यामुळे पुरेसा सूर्यप्रकाश दिवसभर राहत नाही. अशा घरांमध्ये जाळी-जळमटे, कुबट वास, अंधार व एकूणच नकारात्मक मानसिकता जास्त दिसून येते.

त्यामुळे घर विकत घेताना बिल्डरने ब्लॉक ओरिएंटेशन कडे पुरेसे लक्ष दिले आहे का हे वास्तुशास्त्रापेक्षा देखील जास्त महत्त्वाचे ठरते.

पुढील लेखामध्ये आपण मायक्रो / सूक्ष्म इकॉनोमिक घटकांपैकी फ्लोर प्लॅन या घटकाचा परिणाम पाहूया.

मंजिरी प्रॉपर्टीज
99-88-677-678

मित्रांनो

अतिशय चवीने आणि विचारपूर्वक बनवलेले प्रकल्प चोखंदळ ग्राहकांच्या मनास नक्कीच साद घालतात.

घराचा ताबा घेतल्यानंतर आपण जेव्हा त्या घरामध्ये स्थिरावतो तेव्हा तेव्हा आपण फक्त त्या घरात राहत नाही, तर ते घर आणि परिसर जगतो.

माणसाच्या मनावर घर व त्याची रंग-संगती, अलंकरण, पोत, अवकाश (स्पेस), सजावट, मांडणी व सुबकता यांद्वारे साधली जाणारी अखंडता याचा प्रचंड मोठा परिणाम होतो.

जेव्हा आपण घराचा ताबा घेतो तेव्हा आपल्या घरी वास्तुशांती व सत्यनारायण निमित्त पै-पाहुणे, मित्रमंडळी व नातेवाईक यांची रेलचेल चालू असते. आदर्श घर अशा नातेवाईक मित्रमंडळींना दाखवायला कोणाला आवडणार नाही.

समाजातील प्रतिष्ठा आणि मानसन्मान हा चांगल्या घरामुळे नक्कीच प्राप्त होतो. कदाचित ‘घरंदाज’ हा शब्द देखील यामुळेच सामाजिक चर्चांमध्ये प्रकर्षाने आढळून येतो.

त्यामुळेच महागडे घर घेऊन सुद्धा चांगले फर्निचर, इंटेरियर डेकोरेशन, पीओपी ची मांडणी व घरासमोर हिरवळ व बाग-बगीचा तयार करण्याकडे बहुतांश लोकांचा कल दिसून येतो.

पुढील लेखामध्ये आपण मायक्रो / सूक्ष्म इकॉनोमिक घटकांपैकी ब्लॉक ओरिएंटेशन / घरांची मांडणी या घटकाचा परिणाम पाहूया.

मंजिरी प्रॉपर्टीज
99-88-677-678

मित्रांनो

घर ही केवळ चार भिंती आणि छत यांची सिमेंट काँक्रीट व वीट ने बनलेली इमारत नसून त्या घरामुळे तिथे राहणाऱ्या व्यक्तींच्या आयुष्याला एक नवा अर्थ प्राप्त होतो.

अशा परिस्थितीत घराचा दर्जा, बांधकामाची गुणवत्ता, बिल्डरने दिलेल्या इतर सोयीसुविधा व अमेनिटीज याचा खूप मोठा परिणाम एकूणच राहणीमानावर होतो.

पाणी, वीजपुरवठा, सिक्युरिटी गार्ड, फायर एक्सटिंगविशर, लेटर बॉक्स ,स्वतंत्र मीटर, फॅन, ट्यूबलाईट, एक्झॉस्ट फॅन, किचन चिमणी, सोलर वॉटर हीटिंग सिस्टम, सीसीटीव्ही कॅमेरा सिस्टम, सिक्युरिटी गेट, बाग बगीचा व हिरवळ, बसण्यासाठी पुरेशी जागा, इ. मूलभूत गरजा बिल्डरांनी ग्राहकांना देणे आवश्यक आहे परंतु जास्तीत जास्त नफा कमवण्याच्या लालसेपोटी बिल्डर अशा गोष्टी देण्यास टाळाटाळ करतात.

ग्राहकांनी या सर्व गोष्टी कोणता बिल्डर सद्यस्थितीत ग्राहकांना पुरवत आहे याचा शोध घेतला पाहिजे व अधिकाधिक चांगल्या सुविधा बिल्डर कडून घेण्यासाठी आग्रह धरला पाहिजे.

जो बिल्डर लेखी स्वरूपामध्ये फिटमेंट चार्ट देत असेल त्या बिल्डरची निवड करणे अतिशय सुयोग्य आणि सार्थ ठरते.

पुढील लेखामध्ये आपण मायक्रो / सूक्ष्म इकॉनोमिक घटकांपैकी डिझाईन आणि अस्थेटीक्स या घटकाचा परिणाम पाहूया.

मंजिरी प्रॉपर्टीज
99-88-677-678

मित्रांनो

आपल्या धाराशिव शहरामध्ये टेन्टेटिव्ह म्हणजेच तात्पुरत्या स्वरूपातील परवानगी नगरपालिकेकडून प्राप्त करून प्लॉट विकले जातात किंवा गुंठेवारी केलेल्या भूखंडांवर कोणत्याही प्रकारच्या बांधकाम परवानग्या न घेता बांधकाम करण्याचा व रो हाऊस / फ्लॅट विकण्याचा ट्रेंड पाहण्यात आला आहे, जे की, सर्वस्वी चुकीचे आणि बेकायदेशीर आहे.

कोणताही भूखंड नगरपालिका / नियोजन प्राधिकरणाची अंतिम संमती प्राप्त केल्याशिवाय कायद्यान्वये विकता येत नाही. मा. उच्च न्यायालयाने देखील याबाबत आदेश दिलेले आहेत परंतु सर्रास त्याची पायमल्ली होताना दिसते.

तसेच रो हाऊस / फ्लॅटच्या स्कीम देखील विशिष्ट बांधकाम परवाना न घेता विकसित केल्याचे बऱ्याच ठिकाणी आढळून आले आहे.

शासनाने यावर कारवाई केल्याचे अनेक प्रकार देखील दिसून आले आहेत. अशा परिस्थितीत खूप मोठ्या आर्थिक तसेच मानसिक त्रासास सामोरे जावे लागते. चार पैसे वाचवण्यासाठी व स्वस्त ठिकाणी घर मिळत आहे या भाबड्या आशेने आपण आयुष्यभराची पुंजी त्या प्रकल्पामध्ये लावत असतो परंतु खूप मोठी फसवणूक झाल्याचे नंतर लक्षात येते परंतु तोपर्यंत हातून वेळ निघून गेलेली असते.

त्यामुळे कोणताही प्रकल्प निवडताना त्या बिल्डरने प्रकल्पाच्या सर्व संमती, परवाने, आराखडे हे सुयोग्य नगरपालिका / नियोजन प्राधिकरणाकडून प्राप्त केले आहेत का हे तपासणे क्रमप्राप्त ठरते किंबहुना घर विकत घेणाऱ्याचा तो रास्त आणि वाजवी हक्क आहे.

पुढील लेखामध्ये आपण मायक्रो / सूक्ष्म इकॉनोमिक घटकांपैकी सोयी सुविधा / अमेनिटीज या घटकाचा परिणाम पाहूया.

मंजिरी प्रॉपर्टीज
99-88-677-678

मित्रांनो

केवळ लोकेशन / ठिकाण चांगले असून चालत नाही तर शेजार चांगला असणेही तितकेच महत्त्वाचे असते. वास्तूमध्ये राहणाऱ्या व्यक्तीची मानसिकता त्याच्या आजूबाजूस राहणाऱ्या व्यक्ती व त्यांची मानसिकता सामाजिक व आर्थिक परिस्थिती व सौहार्दपूर्ण वागणूक यावर बऱ्याच अंशी अवलंबून असते.

हेच पहा की, आपण शहराच्या मध्यवर्ती ठिकाणी घर घेतले आहे परंतु त्या घराच्या समोरच कायम गोंगाट आणि वर्दळ असणारा हमरस्ता किंवा हायवे किंवा एखादे मोटार गॅरेज असेल तर आपल्या घरामध्ये देखील कायम अस्वस्थता, बेचैनी, मानसिक आजार, इ. बळावू शकतात तसेच सतत भांडण व तंटा करत असणारे शेजारी असतील तर आपली मानसिकता देखील अशांत होऊन जाते.

त्यामुळे घर विकत घेताना प्रत्येक ग्राहकाने हे सुनिश्चित केले पाहिजे की आपण विकत घेत असलेले घर हे शक्यतो आतल्या रस्त्यावर, सुरक्षित ठिकाणी व निरोगी वातावरणात असावे.

पुढील लेखामध्ये आपण मायक्रो / सूक्ष्म इकॉनोमिक घटकांपैकी प्रकल्प आराखडे आणि परवाने या घटकाचा परिणाम पाहूया.

मंजिरी प्रॉपर्टीज
99-88-677-678

मित्रांनो

कोणत्याही प्रकल्पाचे ठिकाण / लोकेशन हे गृहनिर्माणच नव्हे तर रियल इस्टेट क्षेत्रातील सर्व प्रकारांना सारखेच लागू पडते.

ग्राहक कोणत्याही प्रकल्पामध्ये गुंतवणूक करण्यापूर्वी नेहमीच 3 प्रश्न स्वतःला विचारतात आणि शहानिशा झाल्यावर मगच खरेदीचा विचार करतात.

1. प्रकल्प कोठे स्थित आहे?
2. प्रकल्प शाळा, हॉस्पिटल, सुपरमार्केट आणि कार्यालयांपासून / कामाच्या ठिकाणापासून किती अंतरावर आहे?
3. प्रकल्पाला पोहोचण्यासाठी कनेक्टिव्हिटी म्हणजेच पब्लिक ट्रान्सपोर्ट उपलब्ध आहे काय?

या तिन्ही प्रश्नांची उत्तरे बऱ्यापैकी होकारार्थी असतील तरच ग्राहक सदरील प्रकल्पामध्ये घर घेण्यासाठी पसंती दाखवतात.

घर ही एक कायम स्वरूपी असणारी घटना असून सरासरी 30 ते 40 वर्ष आपण त्या ठिकाणी राहणार असू असे गृहीत धरले तर ठिकाण किंवा लोकेशन बाबत आग्रही असणे अत्यंत आवश्यक ठरते.

पुढील लेखामध्ये आपण मायक्रो / सूक्ष्म इकॉनोमिक घटकांपैकी शेजार / नेबरहूड या घटकाचा परिणाम पाहूया.

मंजिरी प्रॉपर्टीज
99-88-677-678

मित्रांनो

अनिवासी भारतीय तसेच परकीय गुंतवणूकदार भारतीय गृहनिर्माण क्षेत्रामधील फंडिंग मध्ये महत्त्वाची भूमिका बजावतात.

परकीय गुंतवणूकदारांनी या व्यवसायात ओतलेला पैसा क्षेत्रामधील पायाभूत सुविधांच्या विकासामध्ये महत्त्वाची भूमिका निभावतो.

डॉलरच्या तुलनेमध्ये रुपयाचे अवमूल्यन झाले तर घरांच्या किमती कमी होतात त्यामुळे भारतीय गृहनिर्माण क्षेत्र हे परकीय गुंतवणूकदारांसाठी स्वस्त होते आणि त्यामुळे अधिक पैसा त्यांच्याकडून या क्षेत्रात गुंतवला जातो.

पुढील लेखामध्ये आपण मायक्रो / सूक्ष्म इकॉनोमिक घटकांपैकी ठिकाण / लोकेशन या घटकाचा परिणाम पाहूया.

मंजिरी प्रॉपर्टीज
99-88-677-678

मित्रांनो

सन 2015 मध्ये भारत सरकारने 100 टक्के थेट परकीय गुंतवणूक स्वयंचलित मार्गाने बांधकाम क्षेत्रामध्ये गुंतवणूक करण्यासाठी परवानगी दिली.

त्यामुळे प्रायव्हेट इक्विटी तसेच बॉण्ड्स व डिबेंचर्स च्या माध्यमातून थेट परकीय गुंतवणूक रिअल इस्टेट मार्केट मध्ये आणण्यासाठी भारतातील गृहनिर्माण क्षेत्रातील मोठमोठ्या कंपन्या मोठी गुंतवणूक करू लागल्या आहेत त्यामुळे शहरांमध्ये गृहनिर्माण क्षेत्राचे रूप पालटत आहे.

याचा परिणाम स्वरूप म्हणून टियर 3 व 4 शहरांमध्ये देखील नामांकित कंपन्या गुंतवणुकीसाठी नवे पर्याय शोधत आहेत.

पुढील लेखामध्ये आपण मॅक्रो / दीर्घ इकॉनोमिक घटकांपैकी एक्सचेंज रेट / विनिमय दराचा परिणाम पाहूया.

मंजिरी प्रॉपर्टीज
99-88-677-678